.....أكثرمن قول لا حول ولا قوة إلا بالله العلي العظيم,فإنها كنزمن كنوز الجنة..حديثصحيح......,ما أسفل الكعبين من الإزار فهو في النار..رواه البخاري والنسائي..,يارسول الله أنهلك وفينا الصالحون؟؟..قال نعم ,إذا كثر الخبث (متفق عليه)..,الوالدأوسط أبواب الجنة..فإن شئت فأضع هذا الباب أو احفظه...,لا يدخل الجنة قاطع ..أيقاطع رحم..(متفق عليه)...,الحياء شعبةمن الايمان ..حديث صحيح..آية الإيمان حبالأنصار..وأية النفاق بغض الأنصار..(رواه البخاري)..من أشار إلي أخيه بحديدة فإنالملائكة تلعنه حتي ينتهي (رواه مسلم)...,سباب المسلم فسوق وقتاله كفر ..(متفقعليه)...,بحسب امرئٍ من الشر أن يحقر أخاه المسلم..(رواه البخاري ومسلم وأصحابالسنن)..ما تواضع أحد لله إلا رفعه ,وما زاد الله عبدا بعفوٍ إلا عزاً...,وتجد شرالناس ذا الوجهين..,الذي يأتي هؤلاء بوجه..وهؤلاء بوجه..(رواه البخاري ومسلمومالك)...,ذمة المسلمين واحدة ,يسعي بها إدناهم.فمن أخفر مسلما فعليه لعنة اللهوالملائكة والناس أجمعين.لا يقبل الله منه يوم القيامة عدلاً ولا صرفاً..(رواه مسلموغيره)...لو أنكم تتوكلون علي الله حق التوكل...لرزقكم كما يرزق الطير..تغدو خماصاًوتروح بطاناً..(رواه أحمد وصححه الألباني)....,إن الله تعالي يبسط يده بالليل ليتوبمسئ النهار..,ويبسط يده بالنهار ليتوب مسئ الليل..حتي تطلع الشمس من مغربها...(رواه مسلم)...يقول الله-عزوجل- أخرجوا من النار من ذكرني يوماً أو خافني فيمقام..رواه البيهقي والترمذي..وقال حديث حسن.....اتقوا الله..وصلوا خمسكم,وصومواشهركم,وأدوا زكاة أموالكم,وأطيعوا أمراءكم..تدخلوا جنة ربكم..رواه الترمذي..وقالحديث حسن صحيح....,« . . . وهل يكب الناس على وجوههم أو على مناخرهم إلا حصائدألسنتهم » [رواه الترمذي]....,« إن العبد ليتكلم بالكلمة ما يتبين فيها، يزل بهاإلى النار أبعد مما بين المشرق والمغرب » [متفق عليه]....,«اللهم إني أسألك فعلالخيرات وترك المنكرات وحب المساكين،وإذا أردت في الناس فتنة فاقبضني إليك غيرمفتون» أخرجه مالك والترمذي..,«ما من مسلم يصيبه أذى, من مرض فما سواه إلا حط اللهبه سيئاته كما تحط الشجرة ورقها» أخرجه البخاري ومسلم..,«لا يموتن أحدكم إلا وهويحسن الظن بالله» أخرجه البخاري ومسلم...,«أعذر الله إلى امرئ أخر أجله حتى بلغستين سنة» أخرجه البخاري. أي لم يبق عذر لمن بلغ الستين من العمر...,«لا تقومالساعة حتى تخرج نار من أرض الحجاز تضيء أعناق الإبل ببصرى» أخرجه البخاريومسلم...,«يقبض الله الأرض يوم القيامة, ويطوي السماء بيمينه, ثم يقول: أنا الملكأين ملوك الأرض» أخرجه البخاري ومسلم...,«ما من صباح إلا وملكان يقولان: يا طالبالخير أقبل, ويا طالب الشر أقصر, وملكان موكلان يقولان: اللهم أعط منفقاً خلفاً,وأعط ممسكاً تلفاً» أخرجه البخاري مختصراً وأحمد..,إذا أراد الله بقوم عذاباً أصابالعذاب من كان فيهم, ثم بعثوا على نياتهم» أخرجه البخاري ومسلم..,« أول ما يقضى بينالناس يوم القيامة في الدماء» أخرجه البخاري ومسلم والنسائي والترمذي..,مثل الصلواتالخمس كمثل نهر جار غمر على باب أحدكم يغتسل منه كل يوم خمس مرات> رَوَاهُمُسلِمٌ...,يتعاقبون فيكم ملائكة بالليل وملائكة بالنهار، ويجتمعون في صلاة الصبحوصلاة العصر، ثم يعرج الذين باتوا فيكم فيسألهم وهو أعلم بهم: كيف تركتم عبادي؟فيقولون: تركناهم وهم يصلون وأتيناهم وهم يصلون> مُتَّفَقٌ عَلَيهِ...,من غداإلى...,بشروا المشائين في الظلم إلى المساجد بالنور التام يوم القيامة> رَوَاهُأبُو دَاوُدَ وَالتِّرمِذِيُّ...,من شهد العشاء في جماعة كان له قيام نصف ليلة، ومنصلى العشاء والفجر في جماعة كان له كقيام ليلة> قال الترمذي حديث حسنصحيح....,إن بين الرجل وبين الشرك والكفر ترك الصلاة> رَوَاهُ مُسلِمٌ...,إن أولما يحاسب به العبد يوم القيامة من عمله صلاته، فإن صلحت فقد أفلح وأنجح، وإن فسدتفقد خاب وخسر، فإن انتقص من فريضته شيئاً قال الرب عز وجل: انظروا هل لعبدي من تطوعفيكمل بها ما انتقص من الفريضة؟ ثم تكون سائر أعماله على هذا> رَوَاهُالتِّرمِذِيُّ وَقَالَ حَدِيثٌ حَسَنٌ...,خير صفوف الرجال أولها وشرها آخرها. وخيرصفوف النساء آخرها وشرها أولها> رَوَاهُ مُسلِمٌ...,أقيموا الصفوف، وحاذوا بينالمناكب، وسدوا الخلل، ولينوا بأيدي إخوانكم، ولا تذروا فرجات للشيطان، ومن وصلصفاً وصله اللَّه، ومن قطع صفاً قطعه اللَّه> رَوَاهُ أبُو دَاوُدَ بإسنادصحيح....,عن عائشة رَضِيَ اللَّهُ عَنها أن النبي صَلَّى اللَّهُ عَلَيهِ وَسَلَّمكان لا يدع أربعاً قبل الظهر، وركعتين قبل الغداة. رَوَاهُ البُخَارِيُّ...,عن ابنعمر رَضِيَ اللَّهُ عَنهُما أنهما سمعا رَسُول اللَّهِ صَلَّى اللَّهُ عَلَيهِوَسَلَّم يقول على أعواد منبره: <لينتهين الجمعات عن قلوبهم أقوام على الغافلين ليختمناللَّه أو ودعهم ليكونن من ثم> رَوَاهُ مُسلِمٌ...,إذا دخل أهل الجنةالجنة يقول اللَّه تبارك وتعالى: تريدون شيئاً أزيدكم؟ فيقولون: ألم تبيض وجوهنا؟ألم تدخلنا الجنة، وتنجنا من النار؟ فيكشف الحجاب، فما أعطوا شيئاً أحب إليهم منالنظر إلى ربهم> رَوَاهُ مُسْلِمٌ...,إن في الجنة شجرة يسير الراكب الجوادالمضمَّر السريع مائة سنة ما يقطعها> مُتَّفَقٌ عَلَيْهِ...,قال اللَّه تعالى:يا ابن آدم إنك ما دعوتني ورجوتني غفرت لك على ما كان منك ولا أبالي، يا ابن آدم لوبلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتنيبقراب الأرض خطايا ثم لقيتني لا تشرك بي شيئاً لأتيتك بقرابها مغفرة> رَوَاهُالْتِّرْمِذِيُّ وَقَالَ حَدِيْثٌ حَسَنٌ...,لا تخصوا ليلة الجمعة بقيام من بينالليالي، ولا تخصوا يوم الجمعة بصيام من بين الأيام إلا أن يكون في صوم يصومهأحدكم> رَوَاهُ مُسْلِمٌ.....,لا صلاة بحضرة طعام، ولا هو يدافعه الأخبثان>رَوَاهُ مُسْلِمٌ....,: <إذا إلى فأبت الملائكة فراشه فبات امرأته دعا عليهالعنتها غضبان الرجل حتى تصبح> مُتَّفَقٌ عَلَيْهِ....,لا تباشر المرأة المرأةفتصفها لزوجها كأنه ينظر إليها> مُتَّفَقٌ عَلَيْهِ.....,لا تسموا العنب الكرم؛فإن الكرم المسلم> مُتَّفَقٌ عَلَيْهِ، وهذا لفظ مسلم....,(من أحدث في أمرناهـذا مـا لـيـس مـنه فهـو رد ). متفق عليه...,عن أبـي رقــيـة تمـيم بن أوس الـداريرضي الله عنه ، أن النبي صلى الله عـليه وسـلم قـال :( الـديـن النصيحة )....,مانهيتكم عنه فاجتنبوه ، وما أمرتكم به فأتوا منه ما استطعتم ، فإنما أهلك الذين منقبلكم كثرة مسائلهم واختلافهم على انبيائهم ). رواه البخاريومسلم....,( دع ما يـريـبـك إلى ما لا يـريـبـك ).رواه النسائي والترمذي وقال حديثحسن صحيح...,( من حسن إسلام المرء تركه ما لا يعـنيه ) .حديث حسن ، رواه الترمذيوابن ماجه....,( لا يحل دم امرىء مسلم [ يشهد أن لا إله إلا الله ، وأني رسول الله] إلا بـإحـدي ثـلاث : الـثـيـب الــزاني ، والـنـفـس بـالنفس ، والـتـارك لـديـنـه الـمـفـارق للـجـمـاعـة ).متفق عليه..,( اتـق الله حيثما كنت ، وأتبع السيئةالحسنة تمحها ، وخالق الناس بخـلـق حـسـن ).رواه الترمذي وقال : حديث حسن ، وفي بعضالنسخ : حسن صحيح ..,عـن أبي العـباس عـبد الله بن عـباس رضي الله عـنهما ، قــال :كـنت خـلـف النبي صلي الله عـليه وسلم يـوما ، فـقـال : ( يـا غـلام ! إني اعـلمككــلمات : احـفـظ الله يـحـفـظـك ، احـفـظ الله تجده تجاهـك ، إذا سـألت فـاسألالله ، وإذا اسـتعـنت فـاسـتـعـن بالله ، واعـلم أن الأمـة لـو اجـتمـعـت عـلى أنيـنـفـعـوك بشيء لم يـنـفـعـوك إلا بشيء قـد كـتـبـه الله لك ، وإن اجتمعـوا عـلىأن يـضـروك بشيء لـم يـضـروك إلا بشيء قـد كـتـبـه الله عـلـيـك ؛ رفـعـت الأقــلام، وجـفـت الـصـحـف ).رواه الترمذي [وقال : حديث حسن صحيح إن مما أدرك الناس من كلامالنبوة الأولى : إذا لم تستح فاصنع ما شئت ).رواه البخاري ...,( الطهور شطر الإيمان، والحمد لله تملأ الميزان ، وسبحان الله والحمد لله تملأن – أو : تملأ – ما بينالسماء والأرض ، والصلاة نور ، والصدقة برهان ، والصبر ضياء ، والقرآن حجة لك أوعليك ؛ كل الناس يغدو ، فبائع نفسه فمعتقها ، أو موبقها ..رواه مسلم ...,كل سلامىمن الناس عليه صدقة كل يوم تطلع فيه الشمس تعدل بين اثنين صدقة ، وتعين الرجل فىدابته فتحمله عليها أو ترفع له عليها متاعة صدقة ، والكلمة الطيبة صدقة ، وبكل خطوةتمشيها إلي الصلاة صدقة ، وتميط الأذي عن الطريق صدقة ).رواه البخاري ومسلم...,: (من رأى منكم منكرًا فلغيره بيده ، فإن لم يستطع فبلسانه ، فإن لم يستطع فبقلبه ،وذلك أضعـف الإيمان ).رواه مسلم ...,( لا تحاسدوا ، ولا تناجشوا ، ولا تباغضوا ،ولا تدابروا ، ولا يبع بعضكم على بيع بعض ، وكونوا عباد الله إخوانا ، المسلم خوالمسلم ، لا يظلمه ولا يخذله ، ولا يكذبه ، ولا يحقره ، التقوى ها هنا ) ويشير صلىالله عليه وسلم إلى صدره ثلاث مرات – ( بحسب امرىء أن يحقر أخاه المسلم ، كل المسلمعلى المسلم حرام : دمه وماله وعرضه ).رواه مسلم ...,( إن الله تعالى كتب الحسناتوالسيئات ، ثم بين ذلك ، فمن هم بحسنة فلم يعملها كتبها الله عنده حسنة كاملة ، وإنهم بها فعملها كتبها الله تعالى عنده عشر حسنات إلى سبعمائة ضعف إلى أضعاف كثيرة ،وإن هم بسيئة فلم يعملها كتبها الله عنده حسنة كاملة ، وإن هم بها فعملها كتبهاالله عنده سيئة واحدة ).رواه البخاري ومسلم...,( كن في الدنيا كـأنـك غـريـبأو عـابـر سبـيـل ).وكـان ابـن عـمـر رضي الله عـنهـما يقول : إذا أمسيت فلاتـنـتـظـر الصباح ، وإذا أصبحت فلا تـنـتـظـر المساء ، وخذ من صحـتـك لـمـرضـك ،ومن حـياتـك لـمـوتـك ...رواه البخاري ...,( لا يؤمن أحدكم حتي يكون هواه تبعا لماجئت به ..حديث حسن صحيح ...,..سبحانك اللهم وبحمدك أشهد أن لا إله إلا أنت..أستغفرك وأتوب إليك

Wednesday, August 15, 2007

أول تتويج

بسم الله الرحمن الرحيم
لأول مرة بستقبل تاج من ساعة ما أبتديت تدوين علي الاطلاق
و جالي بصراحة تاج انما ايه 3 في 1 من أختي قمر الجنوب أماني اللي بحبها في الله
و تاج من التلاتة بتوع اماني جالي من أختي رفقة عمر اللي برضه بحبها في الله بجد
لأني أحسبهم من الفتيات الصالحات المحبين لدينهم و لا أزكي علي الله أحدا
لأني كما يقول الأمام الشافعي - رحمه الله
أحب الصالحين ولست منهم *** وأرجو أن أنال بهم شفاعة
وأكره من تجارته المعاصي *** وإن كنا سواء في البضاعة
بسم الله أبتدي أجاوب ع التاجااات
أول تاج
اسم مدونتك؟
بصراحة سؤال مالوش لازمة
امال عرفتني منين يعني
القصد
اسم المدونة : بقلب سليم
لماذا اخترته ..وماهي نيتك من وراء اختياره؟
اممممم (وش بيفكر) بصراحة
ده بقي سؤال له لازمة
أخترته لأني كان دايما بيهزني قوي و أنا صغيرة قول الله تعالي " يوم لا ينفع مال و لا بنون الا من أتي الله بقلب سليم " فكنت بفكر اشمعني ربنا قال بقلب سليم؟؟؟
ليه مش بصلاة سليمة
ليه مش بعبادة سليمة
.
.
لكن لما كبرت
و مريت بتجارب مع ناس ملتزمة كنت أنا وقتها مش ملتزمة- أيام الجاهلية يعني
و تجارب مع ناس غير ملتزمة كنت فيها ملتزمة - ولكني لازلت ينقصني الكثير
و تجارب مع ناس ملتزمة كنت فيها ملتزمة
لقيت إن فعلا مش أي إنسان يقدر ينقي قلبه من الامراض اللي بتتمثل في الاحقاد و الغيرة من الاخرين
و تمني زوال النعمة من يد الاخرين حتي لو كان الشخص ذاته يمتلكها
و الانانية
و الكره و الحسد
حتي الحسد في الايمان
و الغيرة من تجاه بعض الملتزمين - مع الاسف - لو شافوا حد بيقرب من ربنا أكتر منهم
فسبحان الله
ان صلح القلب ...صلحت النية ... و بالتالي صلح العمل حتي لو كان قليل
لان اي عمل شرطه النية و النية محلها القلب
فأتخذت من هذه الاية شعار لحياتي
و في اي عمل اقوم به لابد أن احاول جعل نيتي لله وحده ليس من أجل ان غيري يعمل كذا فسأعمل أنا ايضا كذا
كما قال الله عز و جل في سورة التوبة
افمن اسس بنيانه على تقوى من الله ورضوان خير ام من اسس بنيانه على شفا جرف هار فانهار به في نار جهنم والله لا يهدي القوم الظالمين
و هذا هو الهدف من أختيار الاسم و نيتي فيه التي أسأل الله تعالي ان يجعلها صادقة
ولكي أذكر نفسي دائما ان اجدد نيتي و اطهر قلبي لاني اعلم عالم التدوين و ما يجلبه احيانا علي النفس لانها امارة بالسوء
أعوذ بالله من أن أذكركم به و أنساه
اسفة علي التطويل لكن كان لابد منه
هل فكرت في إغلاق مدونتك؟ والسبب؟
لا , هو انا لحقت يا ناس انا ع البلوج سبوت مبقاليش شهر ولا اتنين
و معنقدش اني ممكن اقفلها بصراحة لان هدفي من انشائها اصلا اني اعمل شيء القي به الله سواء اني ادعو غيري للهداية أو أُذكر نفسي بها و أن أجد ذلك من غيري ايضا حتي أتعاون معه علي البر و التقوي
صورتك في المدونة ورمزيتها ؟؟
صورتي مانتو شايفنها اهي
بنوتة رافعة ايديها الصغيرة بتدعي ربها
أينعم الصورة ملهاش علاقة بأسم المدونة لكن أنا بحب جدا النوع ده من الصور
و دايما لما بشوف بنانيت زي كده في المسجد صغنتتين و لابسين إسدال و محجبات بيكون شكلهم حلو أوي ي ي
و نفسي لما ربنا يأذن و أتزوج يكون عندي بنات - أصلي بحب البنات جدا- يكونوا كده و إن شاء الله حيكونوا كده لأني ناوية أربيهم علي كده
لماذا دخلت عالم التدوين من الاساس؟
من الأساس خاااالص كان من أول ما أتعرفت علي الجروبس اللي ع النت و بعد كده علي المنتديات الكثيرة و كان أتجاهي دايما و نيتي هي محاربة أعداء الله و أعداء الدين و إحباط محاولاتهم ليدحضوا الحق و يجادلون بالباطل من أجل الافتراء علي الاسلام و تشويه صورته فكنت أبذل مجهود ضئيل فقير حينما يوفقني الله و أحاول الرد عليهم من خلال اكتسابي بعض المعرفة من المواقع الموثوق بها و الكتب التي باللغة الانجليزية ....ولكن صدق الله عز و جل إ ذ قال " صمُّ بكمُّ عميُّ فهم لايرجعون" أما عن البلوجز فكان الدخول فيه مش أكثر من تكمله للمسيرة و إن كنت الان أحاول أن أركز علي محاولة أن أطبق ديني أولا كما أمرنا الله و أبتغي العلم الشرعي الذي يكون زادا لي في هدفي الرئيسي لذا وضعت أسمي في التدوين داعية المستقبل - أسأل الله ان يجعلني كذلك
جمله قيلت لك فى وصف مدونتك؟
والله أنا و دايما بخجل لما حد بيقولي كلمة إطراء و بحاول مكررهاش علي مسامعي أو أحكيها لأحد علشان ميدخلش في قلبي النفاق أو أعجب بنفسي لأني مهما قيل عني فإسمي في الاخر
عابدة من عبيد الله
لكن ممكن كلمة ايجابية في حقي من بعض الناس اللي بيبقي عقلهم كبير و نظرتهم للحياة واسعة ممكن تزيد من ثقتي في نفسي لكن لازم يكون جوايا توازن ما بين الشعور بالثقة و تجنب الغرور
التعليقات بالنسبه لك ,اهميتها؟
والله علي حسب الموضوع اللي أنا ضفته للمدونة
يعني لو منقول مش لازم يشغلني التعليق
لكن لو أنا اللي كتباه ببقي مترقبة بشغف اراء الناس بس برضه مش أي ناس
والتعليقات في حد ذاتها بتحقق الهدف الاساسي من التدوين و هو التواصل و تبادل وجهات النظر
احلى بوست كتبته ...ضع اللينك , ثم اذكر لماذ؟
(وش بيفكر)
يمكن لسه لأني مدونة جديدة مكتبتش الحاجة اللي تصدر من أعماقي لسه لكن كنت سعيدة جدا لما كتبت موضوع تطهير القلوب و عملته علي شكل سلسلة - رغم انه في حاجات منقولة علشان الاحكام و الفتاوي و كده- لكن كنت حاطة فيه نية انه لعل حد ينتفع بيه
ولو ممكن يبقي بعديه موضوع بؤجتي لأنه كان بيعبر عن واقعي الشخصي
بؤجة زكرياتي
أفضل بوست قرأته؟ وضع لينكه؟
والله في كتير قوي و كلهم في مدوناتي المفضلة
أفضل مدونة قرأتها؟
برضه كتير والله لكن في مدونات أساسية بحب أزورها
زي الاستاذ المحترم عصفور المدينة - تدويناته من النوع التقيل الصراحة
أخواتي و حبايبي : كاراميللا - رفقتي - منمنتي- لوما
و كتير من اللي بحس أن عقليتهم متفتحة : مدونة عيون - الضاكتور خالد - الدكتور أنا المسلم
الطائر الحزين - لحظة
و أكيد في مدونات لسه متعرفتش عليها
ده غير الليستة اللي أنا عملاها علي جنب دي
حد قل أدبه فى التعليق إيه رد فعلك؟
الحمد لله كل اللي بيدخلوا عندي محترمين و الله
لكن لو حصلت و جات غلطة من حد غريب أكيد بكل هدؤ ححزفه و أحاول أن أنصحه لله بعدها
أسوأ بوست أسوأ مدون؟
أكيد كل من يحاربون الدين القيم و كل من يبارزون الله بالمعاصي جهرا و لا يستحوا منه
هيحصل ايه لإيميلك لما تموت ؟؟
شأنه شأن صاحبته طبعا
كل شيء هالك إلا وجه الله
اديت الباسوورد لحد قبل كده؟
و الله ممكن يكون في ناس تعرفه خصوصا أصحابي لأني بكتبها قدامهم لما بنكون مع بعض
بس عادي أنا مستأمناهم زي هما ما بيستأمنوني علي باسوورداتهم
كانت إيه طبيعة علاقتك بيه؟
ما قلنا صحابي
اسمك؟
إحم إحم ......داعية المستقبل
بصراحة مبحبش موضوع الاسامي ده و أكيد أنتوا مقدرين
المشهور بيه وسط اصحابك؟
كتير من أصحابي بيندهولي بأسم الدلع اللي هما عارفينوه
و بعضهم ملهمش في نظام الدلع ده أصلا
:)
شخصيتك نوعها إيه؟
والله ده رأي الناس اللي كانوا أكتر حد عرفني قوي عن قرب
إني - هما شايفين يعني- شخصيتي قوية و مفيش حاجة بتخليني أتهزم أبدا مهما وقعت لأني مؤمنة بالله ثم بنفسي
في نفس الوقت مسالمة و محبة للناس
أسأل الله أن يجعل ظنهم في علي حق
السفر بالنسبة لك؟
لو أنا اللي مسافرة : متعة أكيدة لأني أعشق التغيير و التعرف علي كل ما هو جديد بالنسبة لي
لو حد اللي مسافر : وداع و دموع و تفكير لحد ما يرجع من السفر
وقت فراغك بتعمل فيه إيه؟
كلام ف التليفون مع الناس اللي بقالي كتير مكلمتهومش - أنترنت -قراءة في كل شيء - فسحة
المود بتاعك؟
الي حد ما مستقر- لكن بما اني بحب التغيير
فأحيانا متضمنيش
:)
الاكلة المفضلة؟
المكرونة بالبشمل - النواشف بجميع أنواعها لأني مش بحب التبيخ قوي رغم إجادتي لفن الطهي
و البانيهات بأنواعها مع شوية كول سلو
صفات اللي أخدتها من بابا؟
الطموح - حب تطوير الذات - شوية ...شوية عصبية - إني بحب الناس و بصاحب كل الخلق
و أن أكون فنجرية
الصفات التي أخدتها من ماما ؟
الطيبة و العقلية و حب التفقه في الدين و إمتلاك الشفافية
اكتر ست حاجات بكرهها؟
التفاهة - التجبر علي المستضعفين - إدعاء فهم الشيء مع وجود الجهل به -السلبية
الأنانية -الاستغلال
مع الاسف دي سمات الشعب المصري الان
اكتر ست حاجات بحبها؟
أسكندرية خصوصا بحرها - التغيير و عدم الروتينية في الشيء- الصدق مع النفس
أن أري الخير لا يزل موجود بالرغم من كثرة الشر - مسجد التوحيد - الأنترنت
الشغل بالنسبة لك؟
أحيانا بيكون ضروري - أنا كنت من الناس اللي بتؤيد قلته بالنسبة للبنت - لكن نظرا لتغير بعض الاشياء فأري أنه أحيانا بيكون خير بس طبعا بالضوابط الشرعية
الانترنت بالنسبه لك؟
جزء من عالمي الخاص بي لا غني عنه لأنه كان فتحة خير عليا من جوانب كتير خصوصا في سبيل الله
امرره لمين ؟
بمنطقية شديدة
ولا حد
لأنه راح للناس كلها
لحد كده و يكون خلص التاج المشترك ما بين رفقة و أماني
فضلت أجاوب عليه هو الأول عشان محدش يزعل مني
و إن شاء الله التدوينة الجاية أكمل بقية التاجات
حاجة أخيرة
أسأل الله إني أكون كنت مخلصة في كل ما قلته
و كل تاج و أنتوا طيبين
ويجعله عامر

Posted by at
Labels:

25 comments:

رفقة عمر said...

الحمد لله انى اول واحدة اعلق
وشكرا لقبولك التاج
عجبنى ليه اخترتى اسم البلوج
بقلب سليم
لانى مثلك بالظبط شوفت كتير قبل التزامى وبعد التزامى
وجدت ان الالتزام ليس بهيئه وحركات ولكنه نيه خالصه وقلب نقى
انصدمت فى ناس متدينين كنت بتعامل معهم كانهم ملائكه واتفجأت لافرق بينهم وبين غيرهم من غير الملتزمات ووجدت القليلات الى عارفين معنى ايه ان يكون القلب نقى خالى من اى احقاد او حسد او غيره
رزقنا الله القلب السليم اللهم امين يارب العالمين

August 15, 2007 at 2:51 PM
Future_Preacher said...

رفقة حبيبتي
جزاكي الله خيرا
يارب يا حبيبتي نكون منهم إن شاء الله اللي قلوبهم نقية صافية لا يشوبها اي مرض و لا اي فتنة
اللهم امين
عندك حق وده برضه اللي حصلي و خلاني أقول الكلام ده
الالتزام مش مظهر فقط لأن لازم الواحد الاول تكون توبته نصوحة و قلبه وُلد من جديد كما يقول الله عز و جل
"إلا من تاب و امن و عمل صالحا فؤلائك يبدل الله سيئاتهم حسنات" يعني نمرة واحد تاب و نمرة اتنين امن و بعد كده يأتي العمل الصالح
لكن في ناس مش بتبني التزامها علي اساس متين فتكون النتيجة عكسية اما بالعودة للمعصية و اما عمل الطاعة دون ابتغاء وجه الله

اللهم تب علينا إنك أنت التواب الرحيم

August 15, 2007 at 4:03 PM
Future_Preacher said...

أختي رفقة
أنا لسه حالا شايفة اخر بوست ليكي وحزنت جدا
لكني وجدتك قد اغلقتي التعليقات
فلن أطول عليكي حتي لا اُشعرك بالضيق
انا بس حقولك أنا حاسة بيكي والله
لسه والد صحبتي الانتيم متوفي من اسبوعين
و انا كنت معايشة ظروفها النفسية جدا
فأنا متخيلة حالتك و قلبي يشعر بك أختاه
ربنا يصبرك و يربط علي قلبك و يزيده ايمان و يجعلها اخر الاحزان
استعيني بالله هو أحن علينا من الوالدين
و رمضان فرصة انك تخدمي باباكي فيها لان الاجور مضاعفة و الدعاء مستجاب فأحرصي علي فعل الخير رحمة عليه و الدعاء بأن يكرم الله مثواه
اللهم اميين

August 15, 2007 at 4:46 PM
لحظة said...

انا كنت احب امررلك التاج لكن رفقة سبقتني
جزاك الله كل خير
انا لا عقليتي متفتحه ولا حاجة
ده انا حتى عقلي صغير قوي
ربنا يكرمك ويرزقني الاخلاص
اما ابيات اشافعي فانا اولى بها منك ومنه
رحمه الله

August 16, 2007 at 6:03 AM
الطائر الحزين said...

بارك الله فيك
تعرفى أنا نفسى يأتى على اليوم أن اصارح نفسى بأنى انسان ملتزم

دعواتك

August 16, 2007 at 6:28 AM
لحظة said...

استوقفني كلامك عن القلب السليم والمظهر
فانا مظهري لا يوحي بالالتزام
واجزاء عديدة من حياتي اليومية بعيد عن الالتزام
وبالرغم من محاولاتي اتي تنجح مرة وتفشل مرات
وبالرغم من دراستي للتجويد وحفظ القرآن منذ عامين
الا انني مازلت بعيده
سالت مرة اختا ملتزمة
ما الذي يجعلكم تثبتون على هذا الطريق ولا تعودون منه؟
قالت
راينا الجنه هدفنا الوحيد فلا نعود ولا نلتفت يمينا ولا يسارا
وفي طريقنا اليها سائرون
ارجو كل من يقرا ان يدعوا لي
ان تكون الجنه هدفي الوحيد

August 16, 2007 at 7:51 AM
أمــانــى said...

ايه الحلاوة دى
كلنا مكرونة ههههههههههههه
يا جماعة فى ازمة فى القمح ههههههههه
ربنا يكرمك ويثبتك يااااااااااااااااارب آمـــــــــــــــين ويجعلك داعية ونافعة للاسلام والمسـلمين ياااااااارب آمـــــــــــين

August 16, 2007 at 11:02 AM
Future_Preacher said...

أختي الفاضلة لحظة
أكيد ملحوقة إن شاء الله في تاجات تانية
ولو عند حضرتك تاج قديم مرريه ادي احنافيها
:)
و كلام حضرتك تواضع منك حضرتك أكيد عقلية كويسة لأن الجواب بيبان من عنوانه و البعرة تدل علي البعير
و أنا علي فكرة مش بقول أي كلام من فراغ لأني لما أبتديت أزور المدونات مكنتش اللي ادخل اعلق علي اخر موضوع و خلاص انا كده بقيت معروفة
لأ
انا بتناول كذا موضوع كده بطريقة عشوائية و بكده بتعرف أكتر علي فكر صاحب المدونة
و بقرر يأما زيارة و اتحسبت عليا
يأما حكون زائرة مستديمة
و إن كان علي الابيات فالله أعلم بمن هو أولي بها
رزقنا الله و إياكي الاخلاص في القول و العمل
امين

August 16, 2007 at 12:48 PM
Future_Preacher said...

و إياكم أستاذي الطائر الفاضل
أعانك الله و ثبتك و زادك من فضله و رزقك الصدق مع النفس و الاخلاص
و هداك الي مزيد من الالتزام
والله يا أخي كثيرا ما أشعر اني لا استحق هذه الكلمة كما ذكرت في التاج اني ينقصني الكثير و لكن لابد أن نبتغي دائما سبيل الرشاد و نحاول أن نكثر من الطاعات كي يزيدنا الله من الهداية
اللهم ما أجعلنا جميعا ممن أفعالهم تطابق أقوالهم و ممن يستمعون للقول فيتبعون أحسنه
************
أختي الفاضلة
اللهم أجعل هدفها هو الجنة و أجعل أعمالها تقودها الي تحقيق ذلك الهدف
و الله كلام حضرتك أثر في و بفكر أرد علي حضرتك ببوست قريبا جدا إن شاء الله
لا تفقدي الامل في نفسك أختاه و جاهدي نفسك قدر ما أستطعتي فأنتي بذلك مأجورة و حاولي أن تتعرفي علي ربك حق المعرفة و علي نبينا محمد صلي الله عليه و سلم و علينا جميعا أن نفعل ذلك حتي نكون مثل من قال عنهم الله عز و جل " و قالوا سمعنا و أطعنا" اللهم أجعلنا منهم إنك ولي ذلك و القادر عليه
*************************
منمننننننننن
أكيد في أزمة طبعا أمال بنستورده ليه :D
طول ما في بناتيت زينا كده أنا و أنتي و كاراميللا و رفقة أكيد شركات المكرونة حتكسب دهب
بجد دعائك ليا جه في الجون
اللهم اهدنا و اهدي بنا و اجعلنا سببا لمن إهتدي
اللهم استجب

August 16, 2007 at 1:03 PM
عصفور المدينة said...

السلام عليكم
حققة وبدون مجاملة من أفضل الإجابات التي قرأتها بارك الله في يمينك
وجعلك من الداعيات لدينه على بصيرة
وجزاك الله خيرا على إطراء مدونتي

وأنا مسرور جدا أن رأيتك تستخدمين ترجمة الاسم اليوم وأعتقد أنني أول من كنت أصر على استخدامه مترجما من المدونين الذين زرتيهم
يعني أستحق قطعة من البشاميل معاكم

August 16, 2007 at 2:38 PM
عصفور المدينة said...

إدعاء فهم الشيء مع وجود الجهل به
بخصوص هذه الصفة التي أكرهها جدا كنت قد كتبت تدوينة اسمها ماناعارف
مانا عارف

من كثر مانا مخنوق

August 16, 2007 at 2:42 PM
Future_Preacher said...

أخي الفاضل
الله يكرمك علي ذوق حضرتك و دي شهادة أعتز بها من أخ كبير و فاضل مثل حضرتك
و ربنا يستجيب منك ياااااارب و يجعلني داعية الي الله علي بصيرة اميييييييين يارب العامين
و إياكم إن شاء الله فمدونتك تستحق كل الاطراء فهي بحق من المدونات المهمة و المميزة بالنسبة لي
والله يا أستاذ عصفور يمكن التاج صحي جوايا معني جميل خلاني حبه اني اكتب الاسم بالعربي
و يمكن برضه علشان اخواننا المدونون بيندهولي بيه في كتابتهم
فحسيت اني لازم اتحرك بيه و انسي الانجليزي ده رغم انه و الله مش فارق معايا مجرد بس اني سميت نفسي كده و انا بعمل الحساب علي البلوج و مكنش فارق معايا عربي و لا انجليزي مدام بيعبر عن اللي جوايا
و مع ذلك حضرتك تستاهل صينية بشامل فاميلي سايز ليك و لباقي الاسرة الكريمة
و التدوينة بتاعت حضرتك حلوة قوي ...و اد ايه مستفزة قوي عيلة مانا عارف دي بجد الواحد بيشوف منهم أشياء تخنق و لعلها امبراطورية كبيرة من الازمان الغابرة بس نسلهم كتير قوي و انتشر بين الشعب فخلف من بعدهم خلف حافظ علي بقاء هذه الامبراطورية
.
.
و ياريت الامر بينتهي ان الشخص اللي زي كده بيدعي المعرفة و خلاص ..!!لأ ده بيحسس اللي قدامه انه عارف من زماان قوي المعلومة دي واللي قدامه ده هو اللي نايم علي ودانه و ساذج قوي يا حراام
و في كمان عيلة تانية منتشرة برضه يبقوا ولاد عم مانا عارف ده و اسمهم عيلة البغبغانات أكيد قابلتهم قبل كده
أخيرا ...أشكر حضرتك مرة تانية علي تعليقك اللي اعتز بيه

August 17, 2007 at 4:27 PM
الفاتح اليعقوبي said...

تاج جميل وايه صحيح حكاية المكرونة دي كل الناس بتقول بتحب المكرونة
وجامدة اوي حكاية التبيخ دي

ربنا يرزقك الاخلاص وينولك ماتريدين يااختنا الكريمة

August 19, 2007 at 1:48 AM
قلب أبيــض said...

السلام عليكم
الاخت داعية المستقبل
وهل المعنى صحيح
بصراحة اجابات مميزة
تدل على شخصية طيبة ومحترمة
كرمك الله ووفقك الى ما يحبة ويرضاة
ولى تعليق على الاكلات المفضلة
نفسى اسال او اعرف ان واحد اتسال عن الاكلة المفضلة بتعتة وقال اللحمة
عذرينى على لتطفل
ولكن
جعلة لله فى ميزن حسناتكم

August 19, 2007 at 4:18 AM
Future_Preacher said...

الاخ الفاضل اليعقوبي
جزاك الله خيرا
اكيد دلوقتي اتضح للجميع احنا ليه شعب لا يعرف الرشاقة
ماشاء الله انا و غيري بنحب المكرونة و شفت في مدونات تانية ناس كاتبة محاشي و حاجات بتطير
ياللا مطرح ما يسري يمري و بالهنا و الشفا
رزقنا الله جميعا الاخلاص و اعطي كل سائل ما يريد
اللهم اميييييييييين
و أشكرك علي تعليقك
==============
الاخ قلب ابيض
جزاك الله خيرا علي رأي حضرتك فيه و ربنا يجعلني كما تظن
و لكني مش فاهمة سؤال حضرتك ده : وهل المعنى صحيح
؟؟؟
ياريت لو حضرتك توضحلي
و أشكرك علي تعليقك
و رزقنا الله جميعا قلوب بيضاء سليمة خالية من الفتن و الامراض كي نلقي الله بها و تنفعنا يوم لا ينفع مال و لا بنون

علي فكرة أكيد محدش مش بيحب الهبر دي حاجة مفروغ منها اخي الكريم
:)

August 19, 2007 at 11:03 AM
محمد مارو said...

الاخت العزيزة و الفاضله
شكرا لمرورك الكريم ع مدونتى و اتمنى ان نتواصل
و فعلا اهم حاجه القلب السليم
سبحان الله علم رسوله ما لم يكن يعلم
و كان الصورة اللى انتى حطاها دى جميله جدا و مريحه اوى للعين انا برتاح للصور دى اوى
ربنا يرزقك ببنت امورة و جميله و تخليها فى رعايه الله

August 19, 2007 at 6:10 PM
Future_Preacher said...

الاخ الكريم مارو
أشكرك علي كلامك الرقيق و مجاملة حضرتك
بخصوص مدونتي
و من دواعي سروري ان حضرتك تشرفنا ها هانا
و يارب يستجب منك ان شاء الله لما ربنا يأذن و أتزوج تكون أكثر ذريتي بنات بجد بحبهم و ان كان الاولاد برضه جُمال و كل رزق ربنا أكيد خير
جزاك الله كل خير

August 20, 2007 at 4:19 AM
عصفور المدينة said...

بارك الله فيك
بارك الله فيك

واحدة عشان المكرونة وواحدة عشان تشريفك بقراءة التدوينة

August 20, 2007 at 12:14 PM
كرم مسلم said...

السلام عليكم

زادك الله تواضعا على تواضعك

August 21, 2007 at 9:36 PM
احمد الجيزاوى said...

فى الغالب لمه يكون البوست تاج ولبنت مبعلقش لانه بيبقه فى الغالب مش قوى ولكن بصراحه الاجابات تدل على وحدة عقله كبير وعلى التزام وتدين كبير
احمد الجيزاوى

August 22, 2007 at 9:55 AM
Future_Preacher said...

الاستاذ الكبير عصفور المدينة
و اياكم
و اياكم يا استاذنا الفاضل
وياليتها كانت صينية بجد
و كوني اني قرأت تدوينة لحضرتك فهذا شرف لي ان اتعلم شيء جديد من كتابات حضرتك القيمة
==============
الاخ الفاضل كرم مسلم
أؤمن علي دعائك بشده و اني لأحتاج التواضع دائما و الا تشدقت عن طريق الصواب
و اشكرك علي وصفك لي بالتواضع
جزاك الله خير
===============
الاخ الفاضل صاحب مدونة بحبك يا مصر
أكرمك الله علي هذا الثناء و المجاملة الرقيقة التي لا استحقها
اتمني ان اصل في يوم من الايام الي ذلك التدين الكبير الذي تظنني فيه
بارك الله فيك و فتح عليك
و كم يسعدني زيارتك للمدونة

August 22, 2007 at 4:30 PM
الباحث عن الحقيقة said...

سعيد باجابتك على هذا التاج
لانه سمح لنا بأن نتعرف إليكى اكثر

سعيد بمعرفتكم
وفقكى الله لكل خير

August 25, 2007 at 6:14 AM
Future_Preacher said...

الباحث عن الحقيقة
الله يكرمك
و أنا أكيد سعيدة بمعرفة حضرتك و كثير من المدونين الفضلاء أمثال حضرتك
وفقنا الله و اياكم علي كل ما فيه الخير لنا و للأمة
جزاك الله خيرا

August 25, 2007 at 8:37 AM
karamella said...

مبروك ع التاج يا قمر
معلش ع التاخير في الرد
بس زي ما نا عارفاكي
علي طبيعتك وسجيتك
وبصفاتك الحلوة ولا نزكيكي علي الله لكن هي دي الحقيقه ولو اني زعلت من حكايه شويه العصبيه دي انا مجربتهاش منك خالص
دا حتي في تنظيمنا للمسجد وتهزيق الناس لينا ماشفتش منك اي عصبيه اطلاقا رغم ان كان في مننا اللي بيعيط لما واحده طنط تهزقها
لمست فيكي الصبر مشفتش عصبيه قلقتيني منك يا شيخه
بس زي القمر برده
احبك في الله

August 26, 2007 at 4:53 AM
Future_Preacher said...

حبيبة قلبي اللي مستنية تعليقها من زماان
ربنا يكرمك و يعزك
و يجعلني عند حسن ظنك
بس متقلقييش مني الله يخليكي انا مش عصبية للدرجة :) مانتي عارفة انا وتتيعة خالص والله لكن لما بتقفل نادرا كده بتلاقي واحدة تانية خالص
مش بيقولوا اتقي شر الحليم اذا غضب
وبالنسبة للمسجد والله الناس كانوا احسن مني و مكنوش تاعبني خالص و عمر ما حد زهقني دول ناس طيبين قوي
:)
و يعلم الله اني و الله احبك في الله
و احبك الذي تحبيني فيه
و ربنا يديم المعروف اللي بيننا يارب

August 26, 2007 at 5:04 PM

Post a Comment

Subscribe to: Post Comments (Atom)