ايه البواخة دي

احم احم ..........ااا السلام عليكم و رحمة الله و بركاااااته

يااااااه انتي لسه عايشة!!!!!! اكيد في ناس حتقول الكلمة دي اول ما تشوف البوست ده

عادي انا اتعودت علي كده من ساعة ما دخلت الخلاط ---- قصدي" محنة " وزارة الاتصالات دي اللي عزلتني تماما عن العالم الخارجي و الداخلي

ده حتي اهلي بعرف اخبارهم بأثر رجعي

مبقتش عارفة غير الكمبيوتر و الجافا سكريبت و الاكس ام ال و الاوريكل و السي شارب و الشاشة البيضا و الشاشة الزرقا و الفانكشنز و الكلاسز لما الواحد بقي بيهيس خلاص و بيهنج كتير

لو حد عارف المنحة دي ..... انا اتخصصت في قسم اسمه - اس دي - وده اختصار ل

'system development'

و ده بقي كوكتيل شوية برمجة و شوية داتا بيز او قاعدة بيانات و شوية ويب ديفيلوبمنت او تصميم مواقع يعني

يعني الواحد مغلطش لما قال خلاط ...................ايه و الله

علي فكرة انا بس بديلكوا فكرة عن الموضوع علي الطاير كده اصل بيقولوا ان المعهد ده بالتعاون مع وزارة الاتصالات مسئولين من اول السنة دي عن مهمة تطوير منهج او طريقة التعليم في الجامعات المصرية

و دي بصراحة انا شايفاها حاجة عظيمة جدا لاني مقدرش اوصفلوكوا قدر المعاناة اللي شفتها في بداية دراستي في المعهد ده

لانه بيعلمنا ازاي نعتمد علي نفسنا و مناخدش العلم بالمعلقة زي ما عودنا نظام التعليم المصري الفاشل اللي في الاخر بينتج شباب ينفعوا يبقوا موظفين حكومة روتينيين

معندهمش تفكير منطقي معندهمش اي ابتكار و للأسف ده اللي بيحصل معانا كلنا و انا كنت احد ضحاياه

اتمني من ربنا ان الحال يتغير

اسفة اني دوشتلكوا دماغكوا

لكن حبيت اشارككم في الموضوع

///////////////////////////////////////////////////

انا عارفة اني بايخة قوي بجد

اغيب اغيب و ارجع بموضوع ممل بالشكل ده

علشان كده قلتها لنفسي قبلكوا

ايه البواخة دي

بس بصراحة انا نفسي ادخل مدونة مدونة و اسلم علي صاحبها واحد واحد لكن يعلم الله اني و انا بكتب البوست ده ماسكة ف ايدي مشروع في كورس اكس ام ال و بحاول اخلصه علشان اخد دراجاتي و كده

بس برضه جاية و ايديا مش فاضية

عاوزة اكلم ف موضوع مع الاسف هو مش جديد و انا متأكدة من غير ما اقرأ انه كان حديث المدونات الفترة اللي فاتت

وهو موضوع البقرة الضاحكة

اقصد موضوع الدنمارك

بصراحة اكتر حاجة غاظتني في الموضوع مش هو الاساءة ذات نفسها ماهي طالعة من ايادي كافرة و اشخاص اضل من الانعام

علي قد ما بيغظني رد فعلنا

طبعا هم بيسيئوا لينا لان ده شيء احنا اتعودنا عليه منهم و هم شافوا بعنيهم استهتارنا و ضعفنا المرة اللي فاتت و رد الفعل اللي كان زي قلته لما حرقنا الاعلام و هاجمنا السفارات

و اللي ما اخدناش من وراه الا انهم اتريقوا علينا اكتر و شاورا علينا باصابع الاتهام من جديد ليثبتوا للعالم اننا حفنة همج

حتي في انفعالنا لديننا

و اللي بيشلني بجد موضوع المقاطعة ................مش عارفة انهي مقاطعة اللي بيكلموا عنها

طب حد كده يقدر يقوللي لو فتح تلاجته حيلاقي فيها كام منتج دنماركي

مش حيلاقي حاجة طبعا

الا قلة قليلة قوي يعني و منتجات ملهاش اي لازمة وليها بدائل كتير قوي في الاسواق لو قسناها بمقاييس اقتصادية يعني

و بعدين المقاطعة اللي اعرفها تكون مقاطعة من كله

سياسية

دبلوماسية

و ده حيكون اضعف الايمان كمان

و ياريت قبل ما نقاطع الدنمارك ككل

نقاطع انفسنا شوية

انفسنا الامارة بالسوء

انفسنا المريضة

اللي خلاص بعدت عن غذاء روحها و مش بتدور الا علي غذاء بطونها اللي ياريته بيغذي عقلها

لا

ده بيلغي عقلها

احنا امة عايزة امة

محدش بيفكر الا في نفسه و بس ..........محدش بيفكر يغير من حواليه حتي يغير من اهل بيته

احنا امة زي ما بيقولوا "اوفر" ايوة....اوفر في كل حاجة

و ألسنة مش شاطرة الا في الكلام لكن في الاخر علي ولا حاجة

اعزروني علي لغتي الحادة

لكن حعمل ايه

انا زات نفسي معنديش الا الكلام

واهو كله بيرغي أو بيطلع اللي جواه أو زي حلاتي مش لاقي الا الكلام و نقد الواقع و محاولات ناجحة احيانا و فاشلة احيانا في تغيير الذات و محاولة اصلاحها

اسفة علي النهاية اللي علي عكس البداية تماما

لكن حقيقي وحشتني الكتابة قوي ووحشني مود المدونة ده قوي

و اتمني اكتبلكم المرة الجاية في ظروف احسن من كده

والسلام عليكم و رحمة الله و بركاته

كل عام و انتم دائما بخير

السلام عليكم و رحمة الله و بركاته

اخوتي اخواتي الافاضل

كل عام و انتم الي الله اقرب و بخير و صحة دائما

احبكم في الله

ولا ادري كيف اوصف مدي افتقادي لكم جميعا

اوحشتمونييييي كثيرا و افتقدت الكتابة علي صفحات مدونتي التي اعتز بها لانها جعلتني اتعرف علي اناس من خير الناس

و اريد ان اعتذر لكم كثيرا لتغيبي الطويل منذ رمضان تقريبا و لم ادخل علي مدونتي

و اعزروني لان ذلك يرجع لانشغالي الشديد بالدراسة

فقد التحقت بمنحة وزارة الاتصالات و مدتها تسعة اشهر .......و لابد ان اقول انني اشعر اني داخل دوامة من الامتحانات و المواد الجديدة علي فاني ادرس مجال البرمجة و الشبكات و تصميم المواقع و تلك اشياء لم ادرسها من قبل

و هذا يتطلب مني مجهود كبير كي افهمها في وقت سريع

و لكني انوي في دراستي هذه ان اطلب العلم ابتغاء لوجه الله و لشيء بداخلي اريد ان احققه و ليعينني الله فيه ان شاء الله

.

.

مش حطول عليكم اكتر من كده بس بجد اني اسألكم الدعاء لي بالتوفيق فاني اشعر اني في تحدي مع نفسي

.

انا مش عارفة اقول ايه بس بجد انا مفتقدة جدا المدونة و المدونين و تعليقاتهم المتميزة

و للاسف اصبح تعاملي مع الانترنت دلوقتي اما ابحاث مطلوبة مني بصفة مستمرة او الايميل

و ايضا الشيء الجديد اللي اسمه الفيس بوك اللي اصبح لكثير من الناس مثل المرض

و انا مع الاسف منهم و لكني احاول ان اتعامل مع احسن ما فيه لعله يكون وسيلة جيده في تذكير الناس ببعض الاشياء المهمة

من خلال الرسائل المتبادلة فيه

و لعل احسن ما فيه و اسعدني جدا هو وجود اختي رفقة عمر عندي علي الليست :)

فأشعر انني لست ببعيدة عن ما يذكرني بكم

:)

اتمني اني ما اغيبش تاني كل المدة دي لان التدوين بالنسبة لي شيء مهم و ايضا متابعة ما يكتبه الاخوة و الاخوات الافاضل

و اخيرا اهنئكم بالعيد و ادعو الله ان يبارك لنا في ايامنا تلك و ان يتقبل دعاء كل من دعي يوم عرفة

و ان يجمعنا في جناته ان شاء الله

حاجة كمان

مش حاجي اكيد و ايدي فاضية

في موضوع قريته -هي قصة غالبا- و في الغالب الاكيد هي مش حقيقية

لكن الهدف منها التنبيه لشيء مهم و سلبي كامن في ثقافتنا و طريقة تفكيرنا

في انتظار مشاركتكم اللي افتقدتها جدا

:)

و السلام عليكم و رحمة الله

أعداؤنا يستغلون سذاجة البعض في نشر سيئاتهم

السلام عليكم ورحمة الله وبركاته
فضلاً أقرأ القصة لن تستغرق منك سوي دقائق
ديفيد رسام ومصور وخبير فوتوشوب .له عدة مواهب ..يكره المسلمين من صغره

عندما شاهد أحداث الرسومات الكركتيرية المسيئة للمسلمين .في الصحف الأوروبية .أسعده وسره .

حاول أن يفعل شيئا يغيظ المسلمين .لكي يذوق السرور !!****

قام برسم كركتيرات مسيئة للإسلام .مسيئة لله ولآياته ..وضع لفظ الجلالة في مكان نجس

.كتب ( لا إله إلا الله ) في موضع لا يليق .. ( ولا داعي لذكر الموضع تعظيما للشهادة )ركّب صور وجوه مسلمين على حيوانات .كتب سورة الفاتحة على فستان امرأة مبرقعة .**

ذهب ديفد وبيده ملف يحوي أعماله القذرة .إلى احدى الجرائد العريقة .

دخل على رئيس التحرير وأراه إياها .طلب منه أن ينشرها في جريدته وقال أنه تعِب عليها .ولكن رئيس التحرير رفض ذلك

وقال : نحن مجانين لو فعلنا ذلك ، أما تعرف كيف انقلب العالم بعد أحداث الدنمارك ؟

عاد ديفيد إلى بيته يائسا .****

في عصر يوم من الأيام .افترش ديفيد الأرض وجلس يشاهد التلفازوأمامه كوب قهوة ، ورقه ، وقلم .يتسلى بالرسم ..اتصل به صديقه ودعاه للخروج للبحر .

وعلى البحر ..أخبر ديفيد صديقه بـ" أعماله " وأخبره " بذهابه للصحيفة ومحاولة نشرها " وكيف رفضوا .

قال له صديقه : وماحاجتك للصحيفة وعندك الإنترنت ؟؟

ديفيد : هل تقارن صحيفة بموقع انترنت ؟

صديقه : ديفيد ، اسمع سأخبرك شيئا .أنت لست بحاجة لعمل موقع تنشر فيها أعمالك ..فقط ادخل على منتدى عربي وانشر أعمالك .وبعد اسبوع ، ابحث عن أعمالك في قوقل .ستجدها قد انتشرت في 80 منتدى عربي مسلم = يُفترض!!

وبعد اسبوعين .. ستنتشر في 400 منتدى عربي .. وهكذا

ديفيد يحك ذقنه : أنشرها في منتديات عربية وتنتشر ؟اعتقد أنك لست في وعيك

صديقه : يا ديفيد يا ديفيد .افعل فقط واترك هذي الأسئلة.****

وفي صباح اليوم التالي .بعد أن نام ديفيد والأفكار في عقله متجمهرة ..استيقظ وجلس على لاب توبه الجديد وعينه تصارع النوم ورائحة فمه قتلت أخوه ، وكلبه .اتصل بزميله جورج .. ( نصراني عربي ) .

وطلب منه أن يعينه على إيجاد المنتديات العربية .فديفيد لا يحسن من العربية إلا بضع كلمات ..

رحب جورج بالفكرة بعد أن ضحك ضحكات غريبه .ثم .نشروا أول صورة في منتدى عربي .وهي صورة المرأة المبرقعة .. المكتوب على لباسها سورة الفاتحة ..

قال جورج : ديفيد ، كيف سأنشرها ، سوف أطرد ويُحذف الموضوع !!

سكتوا لحظة .جورج صارخا : نعم .. سأكتب كلمات بسيطة تقلب الطرد إلى ترحيب ؟أمسك جورج كيبورده المُعَرَّب .

وكتب :بسم الله الرحمن الرحيم يا ناس شوفوا الصورة :( هنا وضعها )وتحت الصورة كتب والضحكة تخنقه :

حسبي الله ونعم الوكيل..

قال ديفيد : أخبرني ماذا تكتب .. ماذا فعلت .قال جورج : " بعض " المسلمين أغبياء جهلة ، يعتبرون الصور كفرية إذا كانت في صحف أوروبيه أو حتى عربية ، ويعتبرون نشرها مسيئ ومحرم وكفر .. ولكن الأمر يختلف في منتدياتهم !!في منتدياتهم تجد الأمر طبيعي ، فقط اذكر الله في الموضوع ونزَّل ماشئت من " كفريات " .

استهزئ كما تشاء .وبعد اسبوع .أخبر جورج صديقه ديفيد يبشره .. أن الصورة انتشرت انتشارا واسعا في المنتديات العربية .قال ديفيد : ما أبله هؤلاء الحقراء ، سأصمم الليلة صورة عن الكعبة وأرسلها لك غدا لتنشرها ..جورج : انتظر قليلا وانشرها بعد اسبوعين ، دعهم يشتاقون لأعمالك ولا تحرقها جميعها .ديفيد ضاحكا : صدقني لا يوجد معرض يفي بالغرض .. مثل الإنترنت وبعض عملاء التوزيع المسلمين فيه .

(( أخذت القصة من مذكرات ديفيد وويلز ، طالب جامعي أمريكي ))

بصراحه اغلب المواقع الالكترونيه تسارع لنشر مثل هالمواضيع

ادري نيتهم حسنه بس ليه ننشر هالإسأه ؟؟ليه ننشر صورة واحد استهزأ بالرسول او القران

؟؟وش بنستفيد؟؟

احنا كذا نكون سوقنا له ونشرنا مخطوطاتهوانجحنا مخططاته لكن لو كل موضوع او صوره انحذف هل ستنتشر ؟؟بيصير لها صدى؟؟

لا طبعاً

قبل الختام بقي أمر مهم

أذكركم أنه كان شاعر وجّه شعره في ذم رسول الله صلى الله عليه وسلم قبل أن يسلم ويحسن إسلامه وغيره من الشعراء كثيرالسؤال الآن لمَ لم يصلنا الشعر؟والجواب أن الصحابة الكرام دفنوه حتى مات
[إماتة الباطل بِهجره وترك ذكره]
ولذلك فإني أنصح إخواننا من مالكي المواقع والمشرفين والمراقبين بحذف المواضيع هذه وما شابهها

فلن نكون أحرص من الصحابة رضوان الله عليهم في الدفاع عن محمد صلى الله عليه وسلم

[وبدلا من أن تلعن الظلام، وتلقيَ باللائمة على أحد،
أشعل شمعة، وكن نموذجا يُقتدى به في فَهم أخلاق الإسلام و تعلُّمِ علومه،
كما اقتديت بمن قبلك من العلماء والصالحين وزَكَّيتَ هذه النفس بالعلم والذوق والعمل]

لا تتوقف الرسالة عندك ساعد علي نشرها بالقروبات والمنتديات وقوائم الماسنجر علها تنفعك في يوم لا ينفع فيه مال ولا بنون

وفي الختام اسأل الله لي ولكم ان يجعلنا من عتقائه من النار وان يتقبل منا

كل عام و أنتم إلي الله أقرب

السلام عليكم و رحمة الله و بركاته
أخوتي / أخواتي في الله
السلام عليكم و رحمة الله و بركاته
أولا أشهد الله أني و الله أحبكم في الله
ثانيا : أفتقدتكم كثيرا و الله و أفتقدت التدوين و التعليق و تدوينات الاخوة و الاخوات الافاضل
أدعو الله لكم أن يتقبل منا جميعا صالح الاعمال
و أن يتقبل ما كان في رمضان من أعمال صالحة و طاعات و عبادات و صيام و قيام و تهجد و قران
و أن يتجاوز عن ما كان فيه من غفلات أو هفوات أو ذلات
و أن نكون قد بُلغنا جميعا ليلة القدر و فزنا بثوابها و غُفر لنا ما تقدم من ذنب
اللهم اميين
و أعتذر عن الغيبة الطويلة دي و أعتذر اني لم اجيب علي بعض التعليقات و أعتذر لاصحابها
فقد كان الوقت محدود كما نعلم جميعا
و اسألكم الدعاء لي لأن الله قد منّ علي بأن فتح لي باب من أبواب العلم
و سأكون مشغولة بالدراسة والمذاكرة غالب الوقت
فأدعولي أن يوفقني الله فيها و أن لا يغير نيتي في هذه الخطوة
فما أبتغي الا وجه الله لأقتناعي التام أن المسلم لابد أن يكون مثلا للنجاح و يكون مواكبا لعصره
مع مزج ذلك بتمسكه الشديد الخالص لدينه و تطبيقه اينما ذهب و اينما وُجد

و أخيرا أدعو الله لكم جميعا بالتوفيق و الفلاح و أن يكون هذا العيد بداية لعام سعيد مليئ بطاعة الله
و الفوز برضاه

شيء اخير
أحب أن أذكر نفسي و اياكم بشيء مهم و نقف جميعا وقفة مع انفسنا و نتأمله

وقفات بعد رحيل رمضان

أيه الاخوة إليكم هذه الوقفات بعد رحيل رمضان

الوقفة الأولى :
هاهي أيام رمضان قد انقضت ، ولياليه قد تولت .
انقضى رمضان و ذهب ليعود في عام قادم ، انقضى رمضان شهر الصيام و القيام ، شهر المغفرة و الرحمة .
انقضى رمضان و كأنه ما كان .
آيه رمضان ماذا أودع فيك صالحات ، و ماذا كتبت فيك من رحمات .
كم من صحائف بيضت ، وكم من رقاب عتقت ، وكم حسنات كتبت .
انقضى رمضان و في قلوب الصالحين لوعة ، وفي نفوس الأبرار حرقة .
و كيف لا يكون ذلك ؛ و هاهي أبواب الجنان تغلق ، و أبواب النار تفتح ، و مردة الجن تطلق بعد رمضان .
انقضى رمضان : فا ليت شعري من المقبول فنهنيه و من المطرود فنعزيه .
انقضى رمضان فماذا بعد رمضان ؟
لقد كان سلف هذه الأمة يعيشون بين الخوف و الرجاء .
كانوا يجتهدون في العمل فإذا ما انقضى وقع الهم على أحدهم : أقبل الله منه ذلك أم رده عليه .
هذه حال سلف هذه الأمة فمل هو حالنا ؟
و الله إن حالنا لعجيب غريب .
فو الله لا صلاتنا كصلاتهم، و لا صومنا كصومهم ، ولا صدقتنا كصدقتهم ، و لا ذكرنا كذكرهم ؟
لقد كانوا يجتهدون في العمل غاية الاجتهاد، و يتقنونه و يحسنونه ، ثم إذا انقضى خاف أحدهم أن يرد الله عليه عمله .
و أحدنا يعمل العمل القليل و لا يتقنه ولا يحسنه ، ثم ينصرف وحاله كأنه قد ضمن القبول و الجنة .
فيا أخي عليك أن تعيش بين الخوف و الرجاء ، إذا تذكرت تقصيرك في صيامك وقيامهم ؛ خفت أن يرد الله عليك ذلك ، و إذا نظرت إلى سعة رحمة الله ، وأن الله يقبل القليل ويعطي عليه الكثير ، رجوت أن يتقبلك الله في المقبولين .

الوقفة الثانية :
أن لكل شيء علامة ، وقد ذكر العلماء أن من علامة قبول الحسنة أن يتبعها العبد بحسنة أخري .
فما هو حالك بعد رمضان ؟ هل تخرجت من مدرسة التقوى في رمضان فأصبحت من المتقين .
هل تخرجت من رمضان و عندك عزم الاستمرار على التوبة و الاستقامة ؟
هل أنت أحسن حالا بعد رمضان منك قبل رمضان ؟
أن كنت كذلك فاحمد الله ، و إن كنت غير ذلك فابك على نفسك يا مسكين فربما أن أعمالك لم تقبل منك ، وربما أنك من المحرومين و أنت لا تشعر.

الوقفة الثالثة :
أقسام الناس بعد رمضان :
لقد انقسم الناس بعد رمضان إلى أقسام
1- الصنف الأول : قوم كانوا على خير وطاعة ، فلما جاء رمضان شمروا عن سواعدهم ، وضاعفوا من جهدهم و جعلوا رمضان غنيمة ربانية ، و منحة إلاهية ، استكثروا من الخيرات ، و تعرضوا للرحمات ، وتداركوا ما فات ، فلعله أن تكون قد أصابتهم نفحة من النفحات .
فما انقضى رمضان إلا و قد حصلوا زادا عظيما، علت رتبتهم عند الله ، و زادت درجتهم في الجنات، و ابتعدوا عن النيران .
علموا أن لا مستراح لهم إلا تحت شجرة طوبى، فاتعبوا هذه النفوس في الطاعات .
علموا أن الصالحات ليست حكرا على رمضان ، فلا تراهم إلا صوما قوما ،
حافظوا على صيام الست في شوال ، حافظوا على صيام الاثنين و الخميس و الأيام البيض.
دمعتهم على خدودهم في جوف الليل، و عند الأسحار استغفار أشد من استغفار أهل الأوزار .
.يعيشون بين الخوف و الرجاء، حالهم كما قال الله ( و الذين يؤتون ما آتوا و قلوبهم و جلة أنهم إلى ربهم راجعون ).
في السنن من حديث عائشة ( قالت : قرأ رسول الله هذه الآية ، فقلت يا رسول الله : أهم الذي يسرقون و يزنون و يشرب الخمر و يخافون من الله .
فقال رسول الله صلى الله عليه و سلم : لا يا ابنة الصديق ، ولكنهم أقوام يصلون و يصومون و يتصدقون و يخافون أن يرد الله عليهم ذلك ) فهؤلاء هم المقبولون ،هؤلاء هم السابقون ، هؤلاء هم الذين عتقت رقابهم ، و بيضت صحائفهم .
فطوبى ثم طوبى لهم.
2- الصنف الثاني : قوم كانوا قبل رمضان في غفلة و سهو و لعب ، فلما أقبل رمضان أقبلوا على الطاعة و العبادة ، صاموا و قاموا ، قرأوا القران و تصدقوا ودمعت عيونهم و خشعت قلوبهم ، و لكن ما أن ولى رمضان حتى عادوا إلى ما كانوا عليه ،عادوا إلى غفلتهم ، عادوا إلى ذنوبهم .
فهؤلاء نقول لهم :
من كان يعبد رمضان فإن رمضان قد مات ، و من كان يعبد الله فان الله حي لا يموت .
أن الذي أمرك بالعبادة في رمضان هو الذي أمرك بها في غير رمضان .
يا عبد الله
يا من عدت إلى ذنبوك و معاصيك و غفلتك :
تمهل قليلا ، تفكر قليلا:
كيف تعود إلى السيئات ، و ربما قد طهرك الله منها .
كيف تعود إلى المعاصي و ربما محاها الله من صحيفتك
يا عبد الله
أيعتقك الله من النار فتعود إليها ؟ أيبيض الله صحيفتك من الأوزار و أنت تسودها مرة أخرى ؟
يا عبد الله :
آه لو تدري أي مصيبة وقعت فيها .
آه لو تدري أي بلاء نزل بك ، لقد استبدلت بالقرب بعدا، و بالحب بغضا .
يا عبد الله
إياك أن تكون كالتي نقضت غزالها من بعد قوة انكاثا .
لا تهدم ما بنيت ، لا تسود ما بيضت ، لا ترجع إلى الغفلة و المعصية فو الله أنك لا تضر إلا نفسك
يا عبد الله إنك لا تدري متى تموت ، لا تدري متى تغادر الدنيا .
فاحذر أن تأتيك منية و أنت قد عدت إلى الذنوب و المعاصي . و تذكر ( إن الله لا يغير ما بقوم حتى يغيروا ما بأنفسهم ) فغير من حالك ، اترك ذنوبك ، أقبل على ربك حتى يقبل الله عليك .
3- الصنف الثالث : قوم دخل رمضان و خرج رمضان ، وحالهم كحالهم ، لم يتغير منهم شيء ، ولم يتبدل من أمر ، بل ربما زادت آثامهم ، وعظمت ذنوبهم ، و اسودت صحائفهم ، و زادت رقابهم إلى النار غلا . هؤلاء هم الخاسرون حقا . عاشوا عيشة البهائم ، لم يعرفوا لماذا خلقوا عوضا أن يعرفوا قدر رمضان و حرمة رمضان ، ولقد سمعت و الله أحدهم يتبجح و يجاهر بالفطر في نهار رمضان . فهؤلاء ليس أمام حيلة معهم إلا أن ندعوهم إلى التوبة النصوح ، التوبة الصادقة ، و من تاب ، تاب الله عليه.
وإليك يا أخي كلمات من كلمات سلف هذه الأمة ، فو الله أن كلامهم لقليل و لكنه يحي القلوب .
قال أبو الدرداء : ( لو أن أحدكم أراد سفرا ، أليس يتخذ من الزاد ما يصلحه ؟ قالوا: بلى .
قال: سفر يوم القيامة أبعد ، فخذوا ما يصلحكم ؛
حجوا لعظائم الأمور .
صوموا يوما شديد حره لحر يوم النشور .
صلوا ركعتين في ظلمة الليل لظلمة القبور .
تصدقوا بالسر ، ليوم قد عسر )
و قال الحسن البصري : ( إن الله جعل رمضان مضمار لخلقه ؛ يتسابقون فيه بطاعته
فسبق قوم ففازوا ، وتخلف آخرون فخابوا .
فالعجب من اللاعب الضاحك في اليوم الذي يفوز فيه المحسنون و يخسر المبطلون )
اللهم اجعل ما نقول حجة لنا لا علينا .

ربنا ما خلقت هذا باطلا سبحانك

السلام عليكم و رحمة الله و بركاته

اخوتي في الله

بداية : أستحلفكم أن تدعوا لي أن يرزقني الله صفاء الذهن لأني أفتقره هذه الايام مش عارفة ادخل ع النت ...مش عارفة أكتب ....حتي التدوينة دي من فترة و انا حطاها ف الدرافتس

حاجة كمان

أنا بجد اسفة ان زياراتي انقطعت عن كثير من المدونات وده شيء يحزنني بجد و أفتقده

:(

أما بعد

فقد أحضرت لكم اليوم فيديو صغير من تصويري

لكن محتواه ليس بجديد

هي صورة بل اّية من اّيات الله في خلقه

سبحان الملك الذي ألهم الكائنات جميعا كيف تسعي لرزقها و فهمها مع انها ليس لديها العقل الذي يوجهها

هناك شيء مُدرك داخلنا جميعا

أن الله قد ميَّز بني اّدم عن باقي المخلوقات بالعقل

فكل مننا لديه العقل

ولكن

كم منا يفهم و يعي جيدا حق التوكل علي الله كتلك الكائنات

كم منا يسعي لرزقه و يجتهد حق الاجتهاد و يأخذ بالاسباب كالنمل و النحل مع اننا نستخدم كل أساليب العقل

التي تفتقرها هذه الكائنات الضعيفة

كم منا يكابر و يعتقد انه بعقله الرهيب قد وصل الي قمة العبودية وهو لا يذكر الله و لا يسبحه قدر ما تسبح الدودة في باطن الارض

............!!


بالنسبة للفيديو

كنت جالسة في يوم كان تقريبا في اواخر الشهر الماضي و شعرت بشيء يتحرك علي الارض فأخذت ابحث بنظري حتي وقعت عيني علي ذلك المنظر الجميييل يمكن شفناه كتير زمان ايام برنامج العلم و الايمان أو دلوقتي علي انيمل بلانيت

ولو شفناه ع الطبيعة بيبقي نظرة خاطفة

لكن هذه المرة جلست أتأمله

فتأملته في هدووووء تام كي لا ازعج بطلة هذا الفيديو

وهي النملة

أكيد في ناس دلوقتي بتقول عليا ......................ياللا ما علينا

بجد مش عارفة ليه اصابني الفضول اني اتتبعها رغم اني وقتها كان في ايدي حاجات بعملها ومش فاضيلها يعني

سرحت معاها شوية و أكتشفت أنها كائن عبقري أكثر مما كنت أعتقدها

كانت ماشية علي سجادة غرفتي و بتجُر روزايا - و الروزايا اكبر منها اصلا

عارفة ان في ناس ابتدوا يتخنقوا مني بجد و من التدوينة لكن معلش استحملوني

بس بجد مكنتش عارفة أقول حاجة الا سبحان الله

لقيتها بتجرها شوية شوية و بعد كده تقف فجأة و تروح شمال و يمين

و بعد كده تستمر

فحبيت أعرف ايه الحكاية بالظبط

اتاريها بتقف لما تلاقي في حتة مش مستوية في طريقها خلال السجادة

فتحط الرزة علي الارض و تروح يمين و شمال تدور علي الطريق المستوي علشان تكمل مشي عليه و متُجهدش من الحمولة اللي معاها

و علشان توصل أسرع

حد يصدق ان ديه معندهاش عقل...! سبحانك يا خالق يا ملهم

عبال مفكرت اني اصور المشهد الرائع ده كانت هي اقتربت من النهاية

نهاية السجادة يعني

وبعد كده كملت رحلتها علي الباركيه بمنتهي السهولة

من غير رغي أكتر من كده

تعالوا نشوف الكليب

لازم اعتذر مقدما عن الاهتزاز البسيط اللي في الصورة

بصراحة كنت شبه بعمل اكروبات صينية علشان اصورها من غير متحس

يمكن في ناس مبتنتبهش خالص للمواضيع دي و زمانهم بيقولوا عليا تافهة

لكني ببقي سعيدة قوي و انا مستشعرة جمال الكون من حولي و اربط كل شيء بقدرة الله الباريء المصور العظيم

احيانا لما بمشي ع البحر و الاقي منظر بعض الصخور و الموج بيداعبها بلطف ببقي نفسي اصور المشهد ده

و منظر الغروب لوحده اّيه عظيمة- اقروا تدوينة لأيات لأولي الألباب

وفي احيانا بشوف صخرة عادية لكن تعرجاتها الداخلية بتكون مكونة لوحة جميلة جدا معتقدش ان في فنانين ممكن يقدروا يرسموها

فيه منظر جميل قوي كنت صورته قبل كده كان في الشتاء الماضي كانت الشمس الي حد ما ساطعة و كان تحت كوبري ستانلي بالظبط منظر رائع للأعشاب البحرية و كانت واخدة اللون الاحمر المتدرج ...مع زرقة البحر

كان منظر مريح للعين قوي

ححاول ادونه قريب

كل المشاهد دي يحتويها موبايلي المتواضع صورتها و بصورها منين ما اروح ....والله التكنولوجيا برضه خلت الواحد يمارس هواياته و عباداته بيسر و سهولة

:)

خلاص خلاص و الله حمشي اهوه

عارفة اني خنقتكوا بالطبيعة و البحر و النمل و كلام الناس الرايقين ده

لكن جربوا مرة كده تركزوا شوية في الاشياء دي من باب الترويح عن النفس

علي الاقل ختاخدوا بريك ايماني تؤجر عليه و ف نفس الوقت مجدد للنشاط

ولو كنت متضايق حتحس ان صدرك امتلأ بالهواء و انتعشت

وعلي ضمانتي

أوعوا تنسوا تدعولي

اراكم علي خير

الخير في و في امتي

بسم الله الرحمن الرحيم

موضوع البوست المرة دي لم يأتي الي خاطري الا اليوم نظرا لحدوث مواقف متوافقة مع تدوينة الاستاذ الكبير عصفور المدينة و الاخ الفاضل بينو بخصوص اصحاب المهن و مدي توافر خلق الامانة هذه الايام

سبحان الله

فبيتنا هذه الايام يشهد بعض التطورات الكبيرة من حيث الديكور من باب التغيير و التطوير

ومن ضمن هذه التطويرات هو تغيير شكل الأثاث عن طريق اعادة تنجيده

فبشكل عادي و تلقائي أستعنا بالله ثم بالمنجد

الذي أتي علي الفور في الموعد المحدد دون تأخير و كان بعد صلاة العصر مباشرة

مما جعلنا نستبشر خيرا أنه قد ألتزم بالميعاد و هذا نفتقره في كثير ممن مثله - أو بمعني اصح في كثير من الناس

فنقل الاثاث الي سطح المنزل حتي يتسني له العمل بحرية له و لنا

و صعد ابي معه ليشرف عليه

و بعد سويعات قليلة

نزل ابي و تركه وحده ليجري إتصالا هاما و تركه وحده يعمل دون اي رقابة

و استغرق اتصال ابي كثير من الوقت

و بعد وقت ليس بقليل فوجئنا به يطرق الباب وفي يده سلسلة ذهب كنا قد فقدناها منذ عامين

قد وجدها في ثنايا الاثاث وهو يفككه من القماش القديم

و ظننا انها قد سقطت من امي في مكان ما خارج المنزل لاننا كنا قد بحثنا في كل اركان البيت فلم نجدها

فأثار ذلك إعجابنا لأمانة ذلك العامل البسيط-ويتضح ذلك من مظهره

و كان يعمل وحده دون اي رقابة مننا

و كان من الممكن ان يأخذها و لن يشعر أحدا بذلك

و انه ليس من المحنمل ان يكون ذلك اختبار منا له لأن السلسلة كانت غارقة في مكان من الصعب ان تصل يد احد اليه

كما كان بها من الغبار ما يدل علي انها في ذلك المكان منذ زمن

و كان يبدو عليها انها ليست برخيصة الثمن

فشكره أبي لأمانته و أكرمه حتي يشجعه علي الاستمرار في ذلك الخلق

و بعد قليل أٌذن لصلاة المغرب

فوجدناه يستأذن أبي في الذهاب الي المسجد للصلاة

فسعدت لسماع ذلك و بهرني من كلامه لأبي أنه لم تكن هناك رقابة منا عليه

ولكن الرقيب يراه وهو يعي ذلك تماما

وذكر مثل شعبي كنت اول مرة أسمعه حيث قال"مال الناس كنًّاس يا حاج"...!!

فتعجبت لهذا المثل الفصيح

و تأملت معناه و تذكرت اناس كثيرون ربما حالهم احسن بكثير من ذلك العامل

و لكنهم لا يستشعرون معني كلمة: كنُّاس هذه

سبحان الله

كم أشعر بالسعادة حينما اري الخير لم يزل موجودا بالرغم من كثرة الخبث

و أتذكر قول الصادق المصدوق الذي لا ينطق عن الهوي

صلي الله عليه و سلم

{ لا تزال طائفة من أمتي ظاهرة على الحق حتى تقوم الساعة }

.

قبل ان أختم هناك شيء اخر افرحني

اني شعرت ان المال الحلال لا يضيع

:)

فالحمد لله الذي بنعمته تتم الصالحات

.

.

‘‘‘إخوتي .........لي رجاء عندكم : أن كل من يفتح مدونتي لا يهتم ان يقرأ المواضيع و يعلق عليها بل يتركها مفتوحة كي يستمع الي الشريط المرفق في خلفية المدونة عسي الله ان ينفعنا به في هذه الايام المباركة فهو للشيخ الفاضل محمد الناعم جزاه الله عنا كل خير بعنوان كيف تستقبل رمضان

أول تتويج

بسم الله الرحمن الرحيم

لأول مرة بستقبل تاج من ساعة ما أبتديت تدوين علي الاطلاق

و جالي بصراحة تاج انما ايه 3 في 1 من أختي قمر الجنوب أماني اللي بحبها في الله

و تاج من التلاتة بتوع اماني جالي من أختي رفقة عمر اللي برضه بحبها في الله بجد

لأني أحسبهم من الفتيات الصالحات المحبين لدينهم و لا أزكي علي الله أحدا

لأني كما يقول الأمام الشافعي - رحمه الله

أحب الصالحين ولست منهم *** وأرجو أن أنال بهم شفاعة

وأكره من تجارته المعاصي *** وإن كنا سواء في البضاعة

بسم الله أبتدي أجاوب ع التاجااات

أول تاج

اسم مدونتك؟

بصراحة سؤال مالوش لازمة

امال عرفتني منين يعني

القصد

اسم المدونة : بقلب سليم

لماذا اخترته ..وماهي نيتك من وراء اختياره؟

اممممم (وش بيفكر) بصراحة

ده بقي سؤال له لازمة

أخترته لأني كان دايما بيهزني قوي و أنا صغيرة قول الله تعالي " يوم لا ينفع مال و لا بنون الا من أتي الله بقلب سليم " فكنت بفكر اشمعني ربنا قال بقلب سليم؟؟؟

ليه مش بصلاة سليمة

ليه مش بعبادة سليمة

.

.

لكن لما كبرت

و مريت بتجارب مع ناس ملتزمة كنت أنا وقتها مش ملتزمة- أيام الجاهلية يعني

و تجارب مع ناس غير ملتزمة كنت فيها ملتزمة - ولكني لازلت ينقصني الكثير

و تجارب مع ناس ملتزمة كنت فيها ملتزمة

لقيت إن فعلا مش أي إنسان يقدر ينقي قلبه من الامراض اللي بتتمثل في الاحقاد و الغيرة من الاخرين

و تمني زوال النعمة من يد الاخرين حتي لو كان الشخص ذاته يمتلكها

و الانانية

و الكره و الحسد

حتي الحسد في الايمان

و الغيرة من تجاه بعض الملتزمين - مع الاسف - لو شافوا حد بيقرب من ربنا أكتر منهم

فسبحان الله

ان صلح القلب ...صلحت النية ... و بالتالي صلح العمل حتي لو كان قليل

لان اي عمل شرطه النية و النية محلها القلب

فأتخذت من هذه الاية شعار لحياتي

و في اي عمل اقوم به لابد أن احاول جعل نيتي لله وحده ليس من أجل ان غيري يعمل كذا فسأعمل أنا ايضا كذا

كما قال الله عز و جل في سورة التوبة

افمن اسس بنيانه على تقوى من الله ورضوان خير ام من اسس بنيانه على شفا جرف هار فانهار به في نار جهنم والله لا يهدي القوم الظالمين

و هذا هو الهدف من أختيار الاسم و نيتي فيه التي أسأل الله تعالي ان يجعلها صادقة

ولكي أذكر نفسي دائما ان اجدد نيتي و اطهر قلبي لاني اعلم عالم التدوين و ما يجلبه احيانا علي النفس لانها امارة بالسوء

أعوذ بالله من أن أذكركم به و أنساه

اسفة علي التطويل لكن كان لابد منه

هل فكرت في إغلاق مدونتك؟ والسبب؟

لا , هو انا لحقت يا ناس انا ع البلوج سبوت مبقاليش شهر ولا اتنين

و معنقدش اني ممكن اقفلها بصراحة لان هدفي من انشائها اصلا اني اعمل شيء القي به الله سواء اني ادعو غيري للهداية أو أُذكر نفسي بها و أن أجد ذلك من غيري ايضا حتي أتعاون معه علي البر و التقوي

صورتك في المدونة ورمزيتها ؟؟

صورتي مانتو شايفنها اهي

بنوتة رافعة ايديها الصغيرة بتدعي ربها

أينعم الصورة ملهاش علاقة بأسم المدونة لكن أنا بحب جدا النوع ده من الصور

و دايما لما بشوف بنانيت زي كده في المسجد صغنتتين و لابسين إسدال و محجبات بيكون شكلهم حلو أوي ي ي

و نفسي لما ربنا يأذن و أتزوج يكون عندي بنات - أصلي بحب البنات جدا- يكونوا كده و إن شاء الله حيكونوا كده لأني ناوية أربيهم علي كده

لماذا دخلت عالم التدوين من الاساس؟

من الأساس خاااالص كان من أول ما أتعرفت علي الجروبس اللي ع النت و بعد كده علي المنتديات الكثيرة و كان أتجاهي دايما و نيتي هي محاربة أعداء الله و أعداء الدين و إحباط محاولاتهم ليدحضوا الحق و يجادلون بالباطل من أجل الافتراء علي الاسلام و تشويه صورته فكنت أبذل مجهود ضئيل فقير حينما يوفقني الله و أحاول الرد عليهم من خلال اكتسابي بعض المعرفة من المواقع الموثوق بها و الكتب التي باللغة الانجليزية ....ولكن صدق الله عز و جل إ ذ قال " صمُّ بكمُّ عميُّ فهم لايرجعون" أما عن البلوجز فكان الدخول فيه مش أكثر من تكمله للمسيرة و إن كنت الان أحاول أن أركز علي محاولة أن أطبق ديني أولا كما أمرنا الله و أبتغي العلم الشرعي الذي يكون زادا لي في هدفي الرئيسي لذا وضعت أسمي في التدوين داعية المستقبل - أسأل الله ان يجعلني كذلك

جمله قيلت لك فى وصف مدونتك؟

والله أنا و دايما بخجل لما حد بيقولي كلمة إطراء و بحاول مكررهاش علي مسامعي أو أحكيها لأحد علشان ميدخلش في قلبي النفاق أو أعجب بنفسي لأني مهما قيل عني فإسمي في الاخر

عابدة من عبيد الله

لكن ممكن كلمة ايجابية في حقي من بعض الناس اللي بيبقي عقلهم كبير و نظرتهم للحياة واسعة ممكن تزيد من ثقتي في نفسي لكن لازم يكون جوايا توازن ما بين الشعور بالثقة و تجنب الغرور

التعليقات بالنسبه لك ,اهميتها؟

والله علي حسب الموضوع اللي أنا ضفته للمدونة

يعني لو منقول مش لازم يشغلني التعليق

لكن لو أنا اللي كتباه ببقي مترقبة بشغف اراء الناس بس برضه مش أي ناس

والتعليقات في حد ذاتها بتحقق الهدف الاساسي من التدوين و هو التواصل و تبادل وجهات النظر

احلى بوست كتبته ...ضع اللينك , ثم اذكر لماذ؟

(وش بيفكر)

يمكن لسه لأني مدونة جديدة مكتبتش الحاجة اللي تصدر من أعماقي لسه لكن كنت سعيدة جدا لما كتبت موضوع تطهير القلوب و عملته علي شكل سلسلة - رغم انه في حاجات منقولة علشان الاحكام و الفتاوي و كده- لكن كنت حاطة فيه نية انه لعل حد ينتفع بيه

دعوة'>http://biqalben-saleem.blogspot.com/2007/07/blog-post_27.html">دعوةلتطهير القلوب

ولو ممكن يبقي بعديه موضوع بؤجتي لأنه كان بيعبر عن واقعي الشخصي

بؤجة زكرياتي

أفضل بوست قرأته؟ وضع لينكه؟

والله في كتير قوي و كلهم في مدوناتي المفضلة

أفضل مدونة قرأتها؟

برضه كتير والله لكن في مدونات أساسية بحب أزورها

زي الاستاذ المحترم عصفور المدينة - تدويناته من النوع التقيل الصراحة

أخواتي و حبايبي : كاراميللا - رفقتي - منمنتي- لوما

و كتير من اللي بحس أن عقليتهم متفتحة : مدونة عيون - الضاكتور خالد - الدكتور أنا المسلم

الطائر الحزين - لحظة

و أكيد في مدونات لسه متعرفتش عليها

ده غير الليستة اللي أنا عملاها علي جنب دي

حد قل أدبه فى التعليق إيه رد فعلك؟

الحمد لله كل اللي بيدخلوا عندي محترمين و الله

لكن لو حصلت و جات غلطة من حد غريب أكيد بكل هدؤ ححزفه و أحاول أن أنصحه لله بعدها

أسوأ بوست أسوأ مدون؟

أكيد كل من يحاربون الدين القيم و كل من يبارزون الله بالمعاصي جهرا و لا يستحوا منه

هيحصل ايه لإيميلك لما تموت ؟؟

شأنه شأن صاحبته طبعا

كل شيء هالك إلا وجه الله

اديت الباسوورد لحد قبل كده؟

و الله ممكن يكون في ناس تعرفه خصوصا أصحابي لأني بكتبها قدامهم لما بنكون مع بعض

بس عادي أنا مستأمناهم زي هما ما بيستأمنوني علي باسوورداتهم

كانت إيه طبيعة علاقتك بيه؟

ما قلنا صحابي

اسمك؟

إحم إحم ......داعية المستقبل

بصراحة مبحبش موضوع الاسامي ده و أكيد أنتوا مقدرين

المشهور بيه وسط اصحابك؟

كتير من أصحابي بيندهولي بأسم الدلع اللي هما عارفينوه

و بعضهم ملهمش في نظام الدلع ده أصلا

:)

شخصيتك نوعها إيه؟

والله ده رأي الناس اللي كانوا أكتر حد عرفني قوي عن قرب

إني - هما شايفين يعني- شخصيتي قوية و مفيش حاجة بتخليني أتهزم أبدا مهما وقعت لأني مؤمنة بالله ثم بنفسي

في نفس الوقت مسالمة و محبة للناس

أسأل الله أن يجعل ظنهم في علي حق

السفر بالنسبة لك؟

لو أنا اللي مسافرة : متعة أكيدة لأني أعشق التغيير و التعرف علي كل ما هو جديد بالنسبة لي

لو حد اللي مسافر : وداع و دموع و تفكير لحد ما يرجع من السفر

وقت فراغك بتعمل فيه إيه؟

كلام ف التليفون مع الناس اللي بقالي كتير مكلمتهومش - أنترنت -قراءة في كل شيء - فسحة

المود بتاعك؟

الي حد ما مستقر- لكن بما اني بحب التغيير

فأحيانا متضمنيش

:)

الاكلة المفضلة؟

المكرونة بالبشمل - النواشف بجميع أنواعها لأني مش بحب التبيخ قوي رغم إجادتي لفن الطهي

و البانيهات بأنواعها مع شوية كول سلو

صفات اللي أخدتها من بابا؟

الطموح - حب تطوير الذات - شوية ...شوية عصبية - إني بحب الناس و بصاحب كل الخلق

و أن أكون فنجرية

الصفات التي أخدتها من ماما ؟

الطيبة و العقلية و حب التفقه في الدين و إمتلاك الشفافية

اكتر ست حاجات بكرهها؟

التفاهة - التجبر علي المستضعفين - إدعاء فهم الشيء مع وجود الجهل به -السلبية

الأنانية -الاستغلال

مع الاسف دي سمات الشعب المصري الان

اكتر ست حاجات بحبها؟

أسكندرية خصوصا بحرها - التغيير و عدم الروتينية في الشيء- الصدق مع النفس

أن أري الخير لا يزل موجود بالرغم من كثرة الشر - مسجد التوحيد - الأنترنت

الشغل بالنسبة لك؟

أحيانا بيكون ضروري - أنا كنت من الناس اللي بتؤيد قلته بالنسبة للبنت - لكن نظرا لتغير بعض الاشياء فأري أنه أحيانا بيكون خير بس طبعا بالضوابط الشرعية

الانترنت بالنسبه لك؟

جزء من عالمي الخاص بي لا غني عنه لأنه كان فتحة خير عليا من جوانب كتير خصوصا في سبيل الله

امرره لمين ؟

بمنطقية شديدة

ولا حد

لأنه راح للناس كلها

لحد كده و يكون خلص التاج المشترك ما بين رفقة و أماني

فضلت أجاوب عليه هو الأول عشان محدش يزعل مني

و إن شاء الله التدوينة الجاية أكمل بقية التاجات

حاجة أخيرة

أسأل الله إني أكون كنت مخلصة في كل ما قلته

و كل تاج و أنتوا طيبين

ويجعله عامر

وجاء شعبان

بسم الله الرحمن الرحيم

أخواني و أخواتي

كل عام و أنتم بخير لحلول شهر الري الذي نروي فيه ما زرعناه في رجب لنحصد الحصاد في رمضان

وها قد مضى أيها الأحبة شهر رجب، ودخل شعبان، وفاز من فاز بالتقرب والاستعداد في رجب لرمضان، ودخل شعبان والناس عنه غافلة.وهو شهر عظيم يقربنا الي شهر رمضان فلنغتنمه تأسيًا بفعل النبي صلى الله عليه وسلم كما دلت الأحاديث النبوية الشريفة في ذلك

و من منا يضمن أن يبلغه الله شهر رمضان فأحرص أخي يرحمك الله علي الدعاء أن يبارك لنا الله في شعبان و يبلغنا بفضله شهر رمضان

ولنا مع هذا الشهر المبارك وقفات ننظر فيها حال رسول الله صلى الله عليه وسلم وحال سلف الأمة، الذين أمرنا بالاقتداء بهم، مع ذكر بعض فضائله وأحكامه

أسأل الله تعالى أن يهدينا وإخواننا المسلمين صراطه المستقيم، وأن يتولانا في الدنيا والاۤخرة إنه جواد كريم، والحمد لله رب العالمين